Jan Aushadhi Kendra: Kendriya Greh Mantri aur Sahkarita Mantri Amit Shah aur Rasayan aur Urvarak Mantri Mansukh S. Mandaviya ne 2000 Jan Aushadhi Kendron ko kholne ka faisla liya hai.
Jan Aushadhi Kendra: Sahkarita Mantralaya ne haal hi mein desh bhar mein 2,000 Pradhan Mantri Bharatiya Jan Aushadhi Kendron ko khone ki anumati, Prathmik Krishi Rin Samitiyon (PACS) ko dene ka faisla kiya hai. Mantralaya ne ek bayan mein kaha ki kareeb 1,000 Jan Aushadhi Kendra August tak aur baaki is saal December tak khul jayenge.
Ab aise mein sawaal yeh ki ye kaun kholega? Khone ke liye kitna nivesh karna hoga? Kamai kitni hogi? Aur kahan jaakar apply karna hoga? Anya sawalon ke jawab bhi hum aapko denge.
Jan Aushadhi Kendra se kya hoga fayda?
Sarkar ka kehna hai ki is mahatvapurna nirnay se na keval PACS ki aay mein vriddhi hogi aur rozgar ke avsar paida honge, balki logon, visheshkar gramino kshetron mein rehne wale logon ko sasti keemat par dawayiyan bhi uplabdh hongi.
Ab tak desh bhar mein 9,400 se adhik Jan Aushadhi Kendra khole ja chuke hain. In kendron mein lagbhag 1,800 prakar ki dawayen aur 285 anya chikitsa upkaran uplabdh hain. In kendron par branded dawaon ki tulna mein 50 se 90 fisadi kam dar par dawayen uplabdh hain.
Kaun khol sakta hai Jan Aushadhi Kendra?
Mantralaya ne kaha ki Pradhan Mantri Bharatiya Jan Aushadhi Kendra kholne ke liye vyaktigat avedakon ke liye patritta manadand D Pharma/B Pharma hona chahiye. Berozgar Pharmacist, Doctor, Panjikrit Chikitsak ise khole sakte hain. Koi trust, NGO, niji aspatal bhi ise khole sakte hain. Ya phir kendr khone ke liye sarkar dwara namit agency bhi iska sanchalan kar sakti hai.
Jan Aushadhi Kendra khone ke liye kam se kam 120 varg feet jagah ya to niji ya kiraye par uplabdh honi chahiye. Kendra ke liye avedan shulk 5,000 rupaye hai. Aap avedan patra https://janaushadhi.gov.in/ se download kar sakte hain. Aap sabhi vivaran bhar kar online avedan bhi jama kar sakte hain. Vahi, Jan Aushadhi Kendra ke liye aapke paas khudra dawa bikri ka license hona chahiye.
Jan Aushadhi Kendra kholne se kya hoga fayda?
Kendron ko chalane wale logon ko har mahine ki bikri par 15% protsahan ke saath 20% margin milta hai. Protsahan ki adhiktam sima 10,000 rupaye prati mah hai aur yeh tab tak jari rahegi jab tak ki ismein 2.5 lakh rupaye ki rashi shamil nahin ho jati. Bata dein ki kendr khone ke liye 2.5 lakh rupaye ke nivesh ki avashyakta hoti hai aur poori rashi protsahan ke madhyam se vitrit ki jati hai.
Vahi, kamai ki baat karein to ise aise samjhein ki jaise aapne ek mahine mein 1 lakh rupaye ki davai bechi to aapko ispar 20,000 rupaye ki aay hogi. Aisa isliye kyunki bikri par 20% ka commission nirdharit hai. Vahi, 15 fisadi ki protsahan rashi bhi milegi. To aap is hisab se 1 lakh ki sale par 30,000 rupaye tak mahina kama sakte hain.
FAQs :
Q Kendra kholne ke liye kya kya chahiye?
Ans: Kendra kholne ke liye aapko kuch zaruri cheezein chahiye hongi, jaise 120 sq ft ka space, 5,000 rupaye ka aavedan shulk, aur khudra dawa bikri ka license.
Q Kendra kholne se kitni kamai hogi?
Ans: Kamai kendr ke bikri par nirbhar karti hai. Har mahine ki bikri par aapko 15% protsahan aur 20% margin milta hai. Aap is hisab se achhi kamai kar sakte hain.
Q Jan Aushadhi Kendra kholne ke liye kaun-kaun apply kar sakta hai?
Ans: Jan Aushadhi Kendra kholne ke liye unemployed pharmacist, doctor, registered physician, trusts, NGOs, aur private hospitals apply kar sakte hain. Sarkar dwara namit agency bhi iska sanchalan kar sakti hai.
Q Jan Aushadhi Kendra se kya fayda hoga?
Ans: Jan Aushadhi Kendra se aapki kamai badhegi aur aapko sasti dawaiyan uplabdh hogi. Isse rozgar ke avsar bhi paida honge aur gramin kshetron mein rahne wale logon ko bhi fayda hoga.
Q Kendra kholne ke liye kaise apply karein?
Ans: Aap online ya offline tareeke se apply kar sakte hain. Aavedan patra website se download kar sakte hain aur saari jankari bharkar online ya physical submission kar sakte hain.
Regards,
Team “Sarkarikhabrein“