Lionel Messi ne kaha ki woh ek baar phir Barcelona aana chahte the, lekin is club ke saath unki baat nahin ban paayi. Unke paas Europe ki kayi anya teams se bhi offer tha, lekin unhone ab Europe mein nahin khelne ka mann bana liya hai.Football star Lionel Messi ab Major League Soccer mein Inter Miami ke liye khelte nazar aayenge. Messi free agent ke roop mein is team ke saath jude hain. PSG ke saath unka anubandh khatm hone ke saath hi Messi ne saaf kar diya tha ki woh ab is club ke liye nahin khelenge. Iske baad kyaas lagaye ja rahe the ki Messi bhi Saudi Arabia League mein khel sakte hain. Woh Al Hilal club ke saath jude sakte hain aur sabse zyaada salary wale football khiladi bhi ban sakte hain, lekin aisa nahin hua hai.
Messi ne American league mein khelne ka faisla kiya hai. Unhone apne is faisle par kaha ki paise ke liye woh aisa nahin kar rahe hain. European league mein woh Barcelona ke liye khelna chahte the, lekin aisa nahin ho paya. Iske baad unhone Major League Soccer mein khelne ka aur naye nazariye ke saath khel ka maza lene ka faisla kiya hai.
Kya kabhi Barcelona lautenge Messi?
Inter Miami ke saath judne ke baad Messi ne kaha ki woh Barcelona ke fan hain aur apna jeevan wahin guzarenge. Woh Barcelona mein aana chahte the, lekin yeh itna aasaan nahin tha. Unhein club ki taraf se koi adhikaarik offer bhi nahin mila tha. Agar woh is club ke saath jude hote toh club ke anya logon ko apni salary kam karni padti. Vahi, kuchh khiladiyon ko club se alag bhi kiya jaata. Isse woh thak chuke hain. Unhone yeh bhi kaha ki kuchh logon ko lagta hai ki unke aane se Barcelona ko nuksaan hoga. Isliye woh nahin chahte hain ki club mein Messi ki vapasi ho. Isi wajah se woh is club ke saath nahin jude rahe hain.
Apni salary se jude sawaal par Messi ne kaha ki paise ke liye woh Miami ke saath nahin jude hain. Agar paise ki baat hoti toh woh Saudi League mein khelte. European mein unke paas aur bhi kayi teams se offer the, lekin woh is league mein Barcelona ke alawa kisi aur club ke liye nahin khelna chahte the. Unke saath do saal pahle jo hua tha, uske baad woh Barcelona ke liye intezaar nahin kar sakte the. Unhein apne aur parivaar ke bhavishya ka bhi dhyaan rakhna hai aur woh baar apna carrier dusre ke haath me nhi chodh sakte.Last
six months mein teen bade players ne Europe ko chhoda
Iski shuruaat Portugal ke star Cristiano Ronaldo ne ki thi. Unhone Saudi league mein Al-Nassr ke saath jud gaye aur highest salary wale player ban gaye. Ronaldo ke baad Karim Benzema ne bhi is league se doori banayi aur Saudi league ki team Al-Ittihad ke saath jud gaye. Ab Messi bhi PSG chhodkar Major Soccer League mein Inter Miami ke liye khelte dikhenge. In diggajon ke jane se European club football ki popularity mein kami aana tay hai..
Messi ne bola hai ki paise ke liye woh nahi gaye hai Miami. Agar paise ki baat hoti, toh Saudi League mein jaate, wahan toh badi badi offers aayi thi unko. Europe mein bhi aur teams ne unhe sign karne ke liye offer diya tha, par woh sirf Barcelona ke alawa kisi aur club ke liye nahi khelna chahte the. Unhone apne aur apni family ke future ka bhi socha hai, aur har baar woh same mistake nahi karna chahte the.
Ab woh America mein Inter Miami ke saath kick maarne wale hai. Aur bhai, who knows, ek din wapas hi lautenge Barcelona mein. Lekin abhi ke liye, Messi ka focus Inter Miami par hai. Messi aur Ronaldo, dono ab alag-alag leagues mein hai, toh football lovers ka kamaal ho gaya hai. Ab hum bas Messi ka game dekhenge aur uski new journey ka intezaar karenge. Exciting hai na?
Messi ne apne career ki shuruaat 2004 mein Europe mein ki thi. Uss waqt se ab tak, 853 matches mein Messi ne 704 goals banaye, aur 300 goals banane mein apne teammates ki madad ki. Usne is samay mein 12 league titles aur chaar baar Champions League bhi jeeti. Iske alawa, usne apne naam se 22 aur trophies bhi jeeti hain. Total mein, Messi ne 38 trophies jeeti hain.
Regards,
Team “Sarkarikhabrein“