Badhte motape ki wajah se hona padta hai sharminda to shuru kariye ye 3 yogasan, mota pet ho jayega andar
International Yoga Day: Yogasan aapko surakshit aur prabhavi tarike se vajan kam karne aur aapke pet ko tone karne mein madad kar sakte hain. Aaiye jaante hain ki pet par jama charbi ko ghatane ke liye kaun se yogasan sabse prabhavi hain.
International Yoga Day: Pet par jama charbi ko sahi khanpan aur yog ke zariye ghataaya jaa sakta hai.
Yoga poses for belly fat: Motapa sabse pehle kamar ki sides aur pet par nazar aata hai. Pet ka motapa kaafi khatarnak hota hai aur yeh aapki sehat ko bhi khatre mein daal sakta hai.
Agar aapka pet bada hai toh aapko diabetes, dil ki bimari, high blood pressure samet kai jokhim bhari bimariyaan ho sakti hain. Pet par jama charbi ko sahi khanpan aur yog ke zariye ghataaya jaa sakta hai. Yogasan aapko surakshit aur prabhavi tarike se vajan kam karne aur aapke pet ko tone karne mein madad kar sakte hain. Aaiye jaante hain ki pet par jama charbi ko galane ke liye kaun se yogasan sabse prabhavi hain.
Pet ki charbi kam karne ke liye yoga Asans (Yoga Poses To Reduce Belly Fat):
Halasan (Plough pose):
Peeth ke bal let jaana hai aur apni hatheliyon ko aapke bagal mein farsh par rakhna hai.
1. Apne pet ki muscles ka istemaal kar apne pairon ko 90 degree upar uthayein.
2. Apni hatheliyon ko majbooti se zameen par lagayein.
3. Pairo ko peeche le jaate hue sir ke peeche rakhein.
4. Jarurat ho toh apni hatheliyon se apni peeth ke nichle hisse ko sahara dein.
Saans lete rahein aur is sthiti ko 15 se 20 seconds tak banaye rakhein.
Dhanurasan (Bow pose):
1. Gehri saans lein aur pet ke bal letate hue haathon aur paaron ko upar uthayein.
2. Upar hi dekhein aur apne haathon aur paaron ko jitna ho sake upar uthane ki koshish karein.
3. Is sthiti mein 20-30 seconds ke liye bane rahein.
Santulanasan (Plank pose):
1. Sabse pehle apne pet ke bal let jayein aur phir jaise push-up karte hain waise apne haathon ko zameen par rakhe.
2. Apne pair ki ungaliyon se farsh ko pakdein.
3. Apni back bone aur ghutnon ko seedhe rakhein aur sthiti mein jab tak sambhav ho aise rahein.
Anti Aging Yoga Asans:
Jawaan twacha aur glowing face kaun nahi chahta. Hamesha jawaan dikhna hai to lifestyle mein badlaav bhi usi tarah karne honge. Rozana exercise, paryaapt neend, balance diet aur kam tanav se aap chehra chamakdaar bana sakte hain.
Inke bina health kharab rehti hai aur chehre par munhase nikal aate hain. Aging aur jhuriyan bhi nikal aati hain. Isliye fatty, oily aur processed foods se bachna chahiye. Hydrated rehne ke liye paani zyaada se zyaada peena chahiye. Acchi quality ka sunscreen hi use karen.
Dhoop ke sampark mein aane se bachen. Yoga bhi aapki umar badhne ke lakshano ko rokne mein madad kar sakta hai. Yeh tanav ko door karne mein bhi madad karta hai.
Yoga se skin ko hone wale fayde (Benefits of Yoga For Skin):
Bal Bakasana – Baby Crane Pose (Bala Bakasana):
1.Marjriasana mein aasan ki shuruaat karen.
2. Apni kohaniyon ko spaat rakhne ki koshish karen.
3. Aapki ungliyaan aage aur alag-alag phaili honi chahiye.
4. Aage ki taraf is tarah jhukein ki sharir ka saara bhaar triceps par rahe.
5. Balance banaye aur dheere-dheere apne dono pairon ko zameen se upar uthayen. Ab pairon ko ek saath layen.
Adhomukhi Savasana (Adhomukhi Savasana):
1.Haathon-pairon se iski shuruaat karen. Hatheliyan kandhon ke neeche aur ghutne koolhon ke neeche hon, iska dhyaan rakhen.
2. Apne hips ko upar uthayen, ghutnon aur kohaniyon ko seedha karen aur ulte ‘V’ ka aakaar banayen.
3.Haatho ko kandhon ke barabar doori par rakhen.
4.Hatheliyon par dabav daalen aur apne kandhe ke blades open karen.
5.Adi ko farsh ki taraf le jaane ki koshish karen.
6.Apni nazar apne pair ki ungliyon par rakhen.
Halasana (Halasana):
1.Peeth ke bal let jaayen.
2.Pet ki maanspeshiyon ka istemaal karte hue pairon ko 90 degree upar uthayen.
3.Hatheliyon ko farsh par dabayen, pairon ko sir ke peeche aane den.
4.Pair ki ungliyon ko peeche taraf chooeyn, iske liye madhy aur nichle hisse ko farsh se upar uthayen.
5.J itna ho sake apne chest ko thuddi ke paas laayen.
6.Hatheliyon se peeth ko support kar sakte hain. Kuchh der isi aasan mein ruken.
Sarvangasana (Sarvangasana):
1.Peeth ke bal let jaayen.
2.Arms ko body ke paas rakhen.
3.Pairon ko farsh se uthayen aur aasmaan ki aur rakhte hue farsh ke lambavat rakhen.
4.Apne pelsiv ko uthayen aur farsh ko chhoden.
5.Four arms ko farsh se uthayen aur theliyon ke support ke liye peeth par rakhen.
6.Kandhe, sir, pelsiv, aur pairon ko seedha rakhe ka prayas karen.
7.Thuddi ko chhaati se choone ki koshish karen aur nazar pairon ki aur kendrit karen.
Face Yoga (Face Yoga):
1.Apne face ko kuchh der hawa mein rakhen.
2.Munh mein hawa bhar kar use chhoden.
3.Is kriya ko kai baar dohraayen.
4.Aankhon ki exercise ke liye aankhon ki putliyon ko ghumaayen aur upar, neeche dekhen.
Regards,
Team”Sarkarikhabrein“