WTC Final 2023 : Siraj ne bataya – Steve Smith par kyun feki gayi ball? bole – kabhi-kabhi aisa karna zaruri hota hai.
Teesre din ka khel khatm hone ke baad Mohammad Siraj ne bataya ki Bharatiya team ne aisa plan kiya tha ki Travis Head ko adhiktar bouncer ball hi daalni hai chahe natija jo bhi ho.
Pehle din Head ke khilaf bouncer na karne par kayi sawaal uthaye gaye the. Siraj ne aakhir mein chhoti ball daalkar hi Head ka wicket liya tha.
Bharat aur Australia ke beech London ke Oval mein khela ja raha World Test Championship ka final romanchak mode par pahunch chuka hai. Teesre din ka khel khatm hone tak Australia ne apni doosri innings mein chaar wicket ganvakar 123 runs bana liye hain. Filhaal Cameron Green saat aur Marnus Labuschagne 41 runs banakar nabade hain.
Bharatiya team ab chauthe din Australia ko jald se jald sametne ki koshish karegi. Pehle ballebazi karte hue Australia ne pahli innings mein 469 runs banaye the. Jawab mein Bharat ki pahli innings 296 runs par simat gayi thi. Aise mein pahli innings ke aadhar par Australia ko 173 runs ki lead mili.
Doosri innings mein 123 runs milakar Australian team ki ab tak kul badhat 296 runs ki ho gayi hai.
Teesre din ka khel khatm hone ke baad Mohammad Siraj ne bataya ki Bharatiya team ne aisa plan kiya tha ki Travis Head ko adhiktar bouncer ball hi daalni hai chahe natija jo bhi ho.
Pehle din Head ke khilaf bouncer na karne par kayi sawaal uthaye gaye the. Siraj ne aakhir mein chhoti ball daalkar hi Head ka wicket liya tha.
Siraj ne kaha – kal subah pitch par ball dabakar ja rahi thi aur uske baad achhi swing bhi nahi mil rahi thi. Ballebaaz aasani se runs bana rahe the.
Head ne shaandaar ballebazi ki, hum thodi aur satik gendbaazi kar sakte the. Smith par gend fekne ke baare mein jab Siraj se poocha gaya to unhonne kaha, “Wo kuch bhi nahi tha, main bas mazaak kar raha tha.
Kabhi kabhi itne lamba din par woh karna zaruri hota hai.”
Siraj pehli innings mein Bharat ke sabse safal gendbaaz the. Unhone chaar wicket apne naam kiye the. Vahi, doosri innings mein bhi woh ek wicket le chuke hain.
WTC Final 2023: Team India phir se World Test Championship (WTC Final 2023) ka final match khel rahi hai. Lekin pichli baar ki tarah is baar bhi Team India par haar ka khatra mandra raha hai. Abhi tak teen din ka khel khatm ho chuka hai. The Oval mein Australia ne India ke khilaf apna dabdaba barkarar rakha hai. Isi beech mausam ko lekar ek bada update samne aaya hai.
Baarish ke chalte aaj nahi khela jayega match?
London mein 11 June tak yeh mahamukabla khela jana hai. Agar mausam dekha jaye toh yahan pehle, doosre aur teesre din baarish dekhne ko nahi mili thi. Lekin lekin AccuWeather ke anusar 10 aur 11 tareekh ko final par baarish ka saya mandra sakta hai.
10 June ko 65 pratishat baarish ki sambhavna hai jabki 11 June ko baarish ki sambhavna 100 pratishat batayi ja rahi hai. Aise mein baarish aaj ke khel mein badha daal sakti hai.
WTC final mein reserve day ka kab hoga istemaal?
7 se 11 June ke beech khelne wale is mahamukabale ke liye reserve day bhi rakha gaya hai. ICC ke niyam ke tahat paanch din tak chalne wale is final match mein agar kisi bhi din baarish hoti hai aur usse parinam prabhavit hota hai, match ko ek din ke liye age badhakar pura kiya jayega.
Har roz 6 ghante ka khel khela jayega. Yadi kisi karanvash 5 dino mein kul 30 ghante ka khel nahin ho pata hai, tab bhi reserve day ka istemaal hoga. Vahi, WTC Final draw hone ki surat mein dono teams ko joint winner ghoshit kar diya jayega.
Regards,
Team “Sarkarikhabhrein“